కుటుంబ బంధాలే నిజమైన సంపద కాదా?
కలిసుంటేనే కుటుంబం
రచన: డా. భోగయగారి చంద్రశేఖర శర్మ
గజిటెడ్ హెడ్మాస్టర్, సికింద్రాబాద్
👨👩👧👦 పల్లవి 👨👩👧👦
కలిసుంటేనే కుటుంబం,
విడిపోతే అది విలాపం!
కుటుంబ విలువలు పాటిద్దాం,
సంతోషాలను సాధిద్దాం!!
|| కలిసుంటేనే కుటుంబం,
విడిపోతే అది విలాపం ||
చరణం – 1
పండుగలెన్నో జరుపుకున్నను,
ఆచారమ్ములు కలిగియున్ననూ,
సమస్యలెన్నో ఎదురైయున్నను,
సహనమెప్పుడు చూపిద్దాం!
శాంతితో సతతం జీవిద్దాం!!
|| కలిసుంటేనే కుటుంబం,
విడిపోతే అది విలాపం ||
చరణం – 2
తల్లిదండ్రులను అదరించుచూ,
అతిథులనెపుడు స్వాగతించుచూ,
బంధుజనులకు మర్యాదిచ్చుచు,
నీతినియమాలు కలిగుందాం,
నిజాయితీని పాటిద్దాం!!
|| కలిసుంటేనే కుటుంబం,
విడిపోతే అది విలాపం ||
సందేశం:
కుటుంబం అనేది కేవలం రక్త సంబంధాల సమూహం కాదు; ప్రేమ, అనురాగం, సహనం, పరస్పర గౌరవం అనే విలువలతో నిలిచే పవిత్ర బంధం. కుటుంబ సభ్యులు కలిసిమెలిసి ఉంటే ఆనందం పెరుగుతుంది, సమస్యలు చిన్నవిగా మారుతాయి. అందుకే కుటుంబ ఐక్యతను కాపాడుకుంటూ, పెద్దలను గౌరవిస్తూ, కుటుంబ విలువలను తరతరాలకు అందిద్దాం.
– సేకరణ & ప్రచారం కోసం
తేరాల రాజేంద్ర ప్రసాద్ గుప్తా
No comments:
Post a Comment